(ACCnews) “ჩვენ განვიცადეთ ჯარის მნიშვნელოვანი დანაკარგი, ეს ჩვენთვის უდიდესი ტრაგედიაა,” – ამის შესახებ კრემლის ოფიციალურმა წარმომადგენელმა, დიმიტრი პესკოვმა ბრიტანულ ტელეკომპანია Sky News-თან ინტერვიუში განაცხადა.
როგორც პესკოვმა ინტერვიუში აღნიშნა, 2014 წლის შემდეგ უკრაინა “ანტირუსული” გახდა და “ყველაფერი, რაც უკრაინაში მოხდა, რუსეთის წინააღმდეგ იყო მიმართული.”
“ჩვენ ჯარების მნიშვნელოვანი დანაკარგი გვაქვს და ეს ჩვენთვის უდიდესი ტრაგედიაა,” – განაცხადა დიმიტრი პესკოვმა.
ცნობისათვის, რუსეთის ჯარის უკრაინაში შესვლიდან უკვე 43 დღე გავიდა. ბოლო მონაცემებით ორივე მხარეს არის ათასობით მსხვერპლი. უკრაინას უკვე ჰყავს 3 მილიონზე მეტი ლტოლვილი. რუსეთს უკრაინაში შეღწევის გამო აშშ-მ, ევროკავშირის ქვეყნებმა, გაერთიანებულმა სამეფომ, იაპონიამ და ავსტრალიამ სანქციები დაუწესა.
