(ACCnews) “იმის მიუხედავად, რომ კიევთან ახლოს რუსი სამხედროები აღარ იმყოფებიან და ქალაქი შედარებით დაცულია, რუსეთს ჯერ კიდევ შეუძლია კიევზე თავდასხმა,”– ამის შესახებ პენტაგონის სპიკერმა, ჯო კირბის
ჯო კირბის განცხადებით, რუსეთის სარაკეტო თავდასხმის სამიზნე კიევის გარდა უკრაინის სხვა ქალაქებიც შეიძლება გახდეს.
პენტაგონის სპიკერმა აღნიშნა, რომ მაშინაც კი, როდესაც რუსეთმა დაიწყო თავისი ჯარების გაყვანა უკრაინის დედაქალაქიდან, ჩერნიგოვიდან და უკრაინის ჩრდილოეთი ნაწილიდან, შეერთებულ შტატებს არ სჯეროდა, რომ კიევი გადაურჩა საფრთხეს, განსაკუთრებით ჰაერიდან.
ცნობისთვის, რუსეთ–უკრაინის ბოლო მოლაპარაკებების შემდეგ რუსულმა მხარემ განაცხადა, რომ კიევისა და ჩერნიგოვის მიმართულებიდან ჯარებს გაიყვანდა. მალევე განცხადება გაავრცელა აშშ-ის თავდაცვის სამინისტრომ, სადაც ნათქვამია, რომ კიევის შემოგარენიდან რუსული ჯარის გადაადგილება პოზიციის ცვლილებას ჰგავდა და არა – რეალურად, ჯარის გაყვანას.
