(ACCnews) აშშ-ის თავდაცვის მდივანმა ლოიდ ოსტინმა ხუთშაბათს სამხრეთ კორეელ კოლეგასთან შეხვედრისას განაცხადა, რომ ჩრდილოეთ კორეის მიერ შეერთებული შტატების ან სხვა ქვეყნების წინააღმდეგ ნებისმიერი ბირთვული თავდასხმა კიმის რეჟიმს დაასრულებს. ამის შესახებ გამოცემა Politico იტყობინება.
ეს განცხადება გაკეთდა რამდენიმე საათის შემდეგ, რაც ფხენიანმა ახალი კონტინენტთაშორისი ბალისტიკური რაკეტა გამოსცადა, რამაც კიდევ ერთხელ გაზარდა დაძაბულობა რეგიონში.
”ნებისმიერი ბირთვული თავდასხმა შეერთებული შტატების ან მისი მოკავშირეებისა და პარტნიორების წინააღმდეგ, მათ შორის არასტრატეგიული ბირთვული იარაღის გამოყენება, მიუღებელია და დაამხობს კიმის რეჟიმს”, – თქვა ოსტინმა.
შეერთებულმა შტატებმა და სამხრეთ კორეამ განაცხადეს, რომ შეშფოთებულნი არიან ფხენიანის ბოლოდროინდელი რაკეტების გაშვებით.
ოსტინმა აღნიშნა, რომ ტესტები „რეგიონის დესტაბილიზაციას ახდენს“ და ფხენიანს მოუწოდებს „შეწყვიტოს მსგავსი ქმედებები და დაიწყოს სერიოზული დიალოგი“.
ცნობისათვის, ორი დღის წინ ჩრდილოეთ კორეამ ჩრდილოეთ კორეამ რამდენიმე ბალისტიკური რაკეტა გაუშვა იაპონიის ზღვისკენ.
