(ACCnews) შეერთებული შტატები არ ერევა უკრაინაში საკუთარი შორ მანძილზე საბრძოლო შესაძლებლობების განვითარების პროცესში. ამის შესახებ აშშ-ის თავდაცვის მდივანმა ლოიდ ოსტინმა განაცხადა, იუწყება Ukrinform.
“მუშაობს თუ არა აშშ იმისთვის, რომ უკრაინამ არ განავითაროს საკუთარი შორ მანძილზე დარტყმის შესაძლებლობა? მოკლე პასუხი არის არა, ჩვენ ამას საერთოდ არ ვაკეთებთ”, – თქვა პენტაგონის ხელმძღვანელმა ჟურნალისტის კითხვის საპასუხოდ.
მან ხაზგასმით აღნიშნა, რომ შეერთებულმა შტატებმა უკვე დახარჯა 19 მილიარდ დოლარზე მეტი მხოლოდ უკრაინის თავდაცვის მხარდაჭერისთვის.
„გარდა ამისა, ჩვენ რეგულარულად ვუკავშირდებით მოკავშირეებს და პარტნიორებს უსაფრთხოებისთვის დახმარების გაწევისთვისაც“, – დასძინა ოსტინმა.
ამ კონტექსტში მან გაიხსენა უკრაინის თავდაცვის შესახებ საკონტაქტო ჯგუფის მუშაობა ე.წ. რამშტაინის ფორმატში, რომელიც ყოველთვიურად იკრიბება.
„და როცა იქ ჩვენს კოლეგებს ვხვდები, შთაგონებული ვარ მათი თავდადებისა და მონდომების დონით“, – თქვა ოსტინმა.
შეგახსენებთ, ბოლო რამდენიმე დღის განმავლობაში აფეთქებები მოხდა რუსეთის სამხედრო აეროდრომებზე რიაზანში (დიაგილევო), სარატოვში (ენგელსი) და კურსკში. გარდა ამისა, აფეთქება მოხდა ბრიანსკში მდებარე სლავის ქარხანაში, სადაც საწვავის ავზები ინახება. ამ დრომდე პასუხისმგებლობა ოფიციალურად არც ერთ მხარეს არ აუღია.
