(ACCnews) “ევროპა ნელ-ნელა იცლება სისხლისგან, ამ დროს რუსეთი არცთუ ცუდ შემოსავალს იღებს, წარუმატებელი სასანქციო პოლიტიკა შესაცვლელია,” – ეს განცხადება უნგრეთის პრემიერ მინისტრმა პრაღაში, ევროპული პოლიტიკური გაერთიანების პირველი შეხვედრის შემდეგ გააკეთა. წერს „რადიო თავისუფლების“ ევროპული გამოცემა.
„სანქციებმა არ გაამართლა მათზე დამყარებული იმედი, ომი არ დასრულდა. ევროპა ნელ-ნელა იცლება სისხლისგან, რუსეთი კი ამ დროს არცთუ ცუდ შემოსავალს იღებს. გასაგებია, რომ წარუმატებელი სასანქციო პოლიტიკა შესაცვლელია“, – განაცხადა ორბანმა.
შეგახსენებთ, ორბანი, ევროკავშირის ერთადერთი ლიდერი, რომელიც თბილ ურთიერთობას ინარჩუნებს რუსეთის პრეზიდენტ ვლადიმერ პუტინთან, მკაცრად აკრიტიკებს მოსკოვის მიმართ ევროკავშირის მიერ დაწესებულ სანქციებს უკრაინაში შეჭრის გამო.
