(ACCnews) მოხარული ვარ საქართველოს პარლამენტის თავმჯდომარე შალვა პაპუაშვილთან შეხვედრით, – ამის შესახებ ნატო-ს გენერალური მდივნის მოადგილე, მირჩა ჯოანა “ტვიტერის” ოფიციალურ გვერდზე წერს.
“მოხარული ვარ საქართველოს პარლამენტის თავმჯდომარე შალვა პაპუაშვილთან შეხვედრით. განვიხილეთ რუსეთის მხრიდან ბრუტალური და არა პროვოცირებული შეჭრა უკრაინაში და მისი სტრატეგიული გავლენები. ჩვენ დიდად ვაფასებთ საქართველოსთან, ალიანსის ერთ-ერთ უახლოეს პარტნიორთან გრძელვადიან თანამშრომლობას”, – აცხადებს მირჩა ჯოანა.
ცნობისათვის, პარლამენტის თავმჯდომარე შალვა პაპუაშვილი ბრიუსელში შეხვედრებს მართავს. განიხილება საქართველოს განაცხადი ევროკავშირის წევრობაზე.
პარლამენტის თავმჯდომარე ყურადღებას გაამახვილებს იმ გეგმასთან დაკავშირებით, რომელიც ამ კუთხით საქართველოს აქვს შესასრულებელი.
