(ACCnews) ბირთვული იარაღი გახდა „ხელშესახები და რეალური“ საფრთხე უკრაინაში რუსეთის შეჭრის შემდეგ, – ეს განცხადება ნაგასაკის მერმა იაპონიის სამხრეთ ქალაქზე ატომური დაბომბვის 77-ე წლისთავისადმი მიძღვნილ სამგლოვიარო ცერემონიაზე გამოსვლისას გააკეთა.
„ამ წლის იანვარში ხუთმა ბირთვულმა ძალამ – აშშ-მ, რუსეთმა, დიდმა ბრიტანეთმა, საფრანგეთმა და ჩინეთმა – გამოაქვეყნეს ერთობლივი განცხადება, სადაც ხაზგასმულია, რომ „ბირთვულ ომში გამარჯვებულები არ შეიძლება იყოს და ის არასოდეს უნდა იყოს გაჩაღებული“, თუმცა, მომდევნო თვეში რუსეთი შეიჭრა უკრაინაში. იყო ბირთვული იარაღის გამოყენების მუქარა, რამაც შოკში ჩააგდო მთელი მსოფლიო“, – განაცხადა მან.
“ატომური იარაღის გამოყენება არ არის “უსაფუძვლო შიში”, არამედ “რეალური საფრთხეა”, – დასძინა მერმა.
მისი თქმით, კაცობრიობამ უნდა შეუწყოს ხელი „მშვიდობის კულტურას, რომელიც ეფუძნება ნდობას და პატივისცემას.
ცნობისათვის, 1945 წლის 6 აგვისტოს კაცობრიობის ისტორიაში პირველად შეერთებულმა შტატებმა გამოიყენა სამხედრო ბირთვული იარაღი: მეორე მსოფლიო ომში იაპონიის დანებების მიზნით ვაშინგტონმა ჰიროშიმაზე ჩამოაგდო ატომური ბომბი „Baby“. დარტყმის ტალღის შედეგად დაიღუპა დაახლოებით 70 000 მშვიდობიანი მოქალაქე, კიდევ 200 000 ადამიანი კი ბირთვული გამოსხივების ზემოქმედებით დაიღუპა .
სამი დღის შემდეგ, 9 აგვისტოს, კიდევ ერთი ამერიკული ატომური ბომბი ჩამოაგდეს ქალაქ ნაგასაკიზე, რის შედეგადაც კიდევ 74000 ადამიანი დაიღუპა. 1945 წლის 15 აგვისტოს იაპონიის ჩაბარებით დასრულდა მეორე მსოფლიო ომი. იაპონიის ორივე ქალაქში დღემდე ათასობით ადამიანი განიცდის რადიაციის ზემოქმედებას.
