(ACCnews) „რუსეთის პრეზიდენტის ვლადიმერ პუტინის მიერ გამოცხადებულ ნაწილობრივ მობილიზაციას რუსეთის ეკონომიკისთვის სავალალო შედეგები მოჰყვება”, – ამის შესახებ Politico იტყობინება.
როგორც Politico აღნიშნავს, მობილიზაციის გამოცხადება გამოიწვევს კვალიფიცირებული მუშაკების ნაკლებობას ყველა ინდუსტრიაში.
„რაც უფრო მეტი კაცის მობილიზებას შეეცდება კრემლი, მით უფრო მეტი შეეცდება რუსეთის დატოვებას. შესაძლოა, პუტინმა შეძლოს 300 000 რეზერვისტის მობილიზება, მაგრამ მისი განცხადების შემდეგ დაახლოებით 360 000 უკვე წავიდა საქართველოსა და ყაზახეთში. იმისთვის, რომ მათთვის არასასურველ ომში არ წავიდნენ.
კაცები, რომლებიც ახლა ტოვებენ რუსეთს, არიან შრომისუნარიანები. მათი წასვლა დიდი დანაკლისია რუსეთის შეიარაღებული ძალებისთვის. არ არის საკმარისი ქალები, რომლებსაც შეუძლიათ სწრაფად დაიკავონ ქვეყნიდან წასული მამაკაცების ადგილი“, – წერს გამოცემა.
შეგახსენებთ, კრემლის ლიდერმა ვლადიმერ პუტინმა 21 სექტემბერს ნაწილობრივი მობილიზაციის შესახებ განაცხადა.
