(ACCnews) მოლდოვის პარლამენტმა გეორგიევსკის ლენტი კანონით აკრძალა. კერძოდ, უკრაინაში მიმდინარე ომის კონტექსტში აიკრძალება როგორც გეორგიევსკის ლენტი, ასევე Z და V სიმბოლოების გამოყენება.
კანონპროექტს 101 დეპუტატიდან მხარი 53–მა დაუჭირა, ერთმა თავი შეიკავა.
კანონის ძალაში შესვლის შემდეგ, აკრძალული იქნება ამ სიმბოლოების დამზადება, გაყიდვა, გავრცელება და ასევე, საჯაროდ გამოყენება.
კანონის დამრღვევს 226-დან 452 ევრომდე ჯარიმის გადახდა მოუწევს და 30-დან 60 საათამდე საზოგადოებისთვის სასარგებლო შრომას გასწევს.
ცნობისთვის, უკრაინის უმაღლესმა რადამ უკრაინელი ერის წინააღმდეგ რუსეთის ქმედებები გენოციდად აღიარა. ამას გარდა, უმაღლესმა რადამ მიიღო კანონპროექტი, რომლითაც რუსეთი ტერორისტ სახელმწიფოდ აღიარა და სიმბოლოები V და Z აკრძალა.
