“ჩვენ უნდა უზრუნველვყოთ პუტინის დამარცხება – ეს საერთო მიზანი უნდა იყოს”- შარლ მიშელი

(ACCnews) “ჩვენ უნდა უზრუნველვყოთ პუტინის დამარცხება. ეს საერთო მიზანი უნდა იყოს,”– ამის შესახებ ევროპული საბჭოს პრეზიდენტმა „სიენენის“ ეთერში განაცხადა.

როგორც მიშელმა განაცხადა, პარტნიორმა ქვეყნებმა უნდა იმუშავონ იმაზე, რომ პრეზიდენტ ზელენსკის უკეთესი პოზიცია ჰქონდეს რუსეთთან პირდაპირი მოლაპარაკების დროს.

„ძალიან რთულია, რადგან ჩვენ დარწმუნებული არ ვართ რუსეთის ხელისუფლების გულწრფელობაში. გულუბრყვილოები არ ვართ, ვფიქრობ, ისინი ცდილობენ თავს დაესხნენ სამხედროებს, რათა გააძლიერონ მათი პოზიციები მოლაპარაკების პროცესში, თუმცა, მეორე მხრივ, ჩვენ უნდა შევცვალოთ ძალთა ბალანსი, რათა პრეზიდენტ ზელენსკის უკეთესი პოზიცია ჰქონდეს რუსეთთან პირდაპირი მოლაპარაკების დროს“, – განაცხადა მიშელმა.

შარლ მიშელის თქმით, ომის დაწყების შემდეგ ის არაერთხელ ესაუბრა როგორც უკრაინის, ასევე რუსეთის პრეზიდენტებს იმ იმედით, რომ შეძლებდა ცეცხლის შეწყვეტას მოლაპარაკების გზით.

შარლ მიშელმა ისაუბრა სანქციებზეც და აღნიშნა, რომ ევროპას ენერგოსექტორში არ აქვს ისეთივე ვითარება, როგორიც აშშ-შია, რამდენადაც ევროპა მნიშვნელოვნად არის დამოკიდებული რუსულ ენერგორესურსებზე.

მისივე თქმით, სანქციები “მტკინვეული უნდა იყოს რუსეთისთვის და არა ევროპისთვის.”