(ACCnews) ილონ მასკის კომპანია SpaceX აცხადებს, რომ ის აღარ აპირებს უკრაინაში კრიტიკული თანამგზავრული სერვისები დააფინანსოს და აღნიშნულის შესახებ პენტაგონი გააფრთხილა. ამის შესახებ CNN წერს.
გამოცემის ცნობით, ილონ მასკმა პენტაგონს სთხოვა, სატელიტური სერვისების საფასური თავად გადაიხადოს.
ილონ მასკმა ამ დრომდე უკრაინას საჩუქრად Starlink-ის დაახლოებით 20 000 თანამგზავრი გადასცა. გასულ კვირას მასკმა ტვიტერზე დაწერა, რომ ოპერაცია SpaceX-ს 80 მილიონი დოლარი დაუჯდა, წლის ბოლომდე კი 100 მილიონ დოლარს გადააჭარბებს.
Starlink-ი ილონ მასკის მიერ დაფუძნებული და კუთვნილი კოსმოსური კომპანიის ინტერნეტ ნავიგატორია, რომლის ათეულობით ტერმინალი კომპანიამ უკრაინას უსასყიდლოდ გადასცა, რათა უკრაინულ არმიას უკეთესი კომუნიკაციის არხი ჰქონოდათ, რომელიც მათი დრონების ოპერირებისა და კრიტიკული მნიშვნელობის სადაზვერვო ინფორმაციის გაცვლისთვის გამოიყენება.
