“ევროპელებმა კარი გაგვიღეს, მაგრამ ამ კარში ჩაწვნენ კობახიძე, ღარიბაშვილი, ივანიშვილი” – პაატა მანჯგალაძე

(ACCnews) “ევროპელებმა გაგვიღეს კარი, მაგრამ ამ კარში ჩაწვნენ კობახიძე, ღარიბაშვილი და ივანიშვილი – ანგარიშში შეტანილი შესწორებები არის არა რომელიმე ევროპული ჯგუფის, არამედ საერთო ევროპული პოზიცია, ამით დადასტურდა, რომ “ქართული ოცნება” არც ევროპის სოციალისტური ოჯახის წევრი არ არის, “ედინაია რასიას” ოჯახის წევრია,” – ამის შესახებ “სტრატეგია აღმაშენებლის” დეპუტატმა პაატა მანჯგალაძემ განაცხადა.

მისივე თქმით, “ქართული ოცნება” ბუტაფორიულ ცვლილებებს ახორციელებს და როცა ამის გამო ქვეყანა უარყოფით შეფასებას მიიღებს, “ქუჩაში ქუდზე კაცი” უნდა გამოვიდეს, რადგან მიუხედავად ევროპელი პარტნიორების მოწოდებებისა, “ქართული ოცნება” “იმდენს გაბედავს, რამდენსაც გავაბედინებთ”.

“ქართული ოცნება” ანგარიშვალდებულია არა ხალხის, არამედ ბიძინა ივანიშვილის წინაზე, ვერ ნახავთ “ქართული ოცნების” ვერც ერთ ლიდერს, რომელიც ჯერ მანტრას არ აღავლენს ივანიშვილის წინაშე და მხოლოდ ამის შემდეგ იწყებს საუბარს სხვა საკითხებზე,” – განაცხადა მანჯგალაძემ.