(ACCnews) საფრანგეთის პრეზიდენტი ემანუელ მაკრონი მიიჩნევს, რომ რუსული სარაკეტო თავდასხმები უკრაინაზე ომის დანაშაულია, რომელიც უნდა დაისაჯოს. ამის შესახებ მან Twitter-ზე დაწერა.
„უკრაინამ დღეს მასიური დაბომბვა განიცადა, რის გამოც ქვეყნის დიდი ნაწილი წყლისა და ელექტროენერგიის გარეშე დარჩა. სამოქალაქო ინფრასტრუქტურაზე დარტყმები ომის დანაშაულია და დაუსჯელი არ შეიძლება დარჩეს“, – აღნიშნა საფრანგეთის ლიდერმა.
მან დასძინა, რომ 13 დეკემბერს, საფრანგეთი უმასპინძლებს კონფერენციას პარიზში, სადაც საერთაშორისო მხარდაჭერა იქნება მობილიზებული უკრაინისთვის, რათა უზრუნველყოს მისი ხელმისაწვდომობა ენერგეტიკაზე.
შეგახსენებთ, 23 ნოემბერს რუსულმა ჯარებმა კიდევ ერთხელ განახორციელეს უკრაინის მასიური დაბომბვა, დარტყმა მიაყენეს ინფრასტრუქტურულ ობიექტებსა და საცხოვრებელ შენობებს. არიან დაღუპულები და დაჭრილები.
