(ACCnews) ამერიკის შეერთებული შტატების პრეზიდენტმა, ჯო ბაიდენმა “ლენდ-ლიზის” კანონს ხელი მოაწერა.
აშშ-ს წარმომადგენელთა პალატამ უკრაინის დასახმარებლად “ლენდ-ლიზის” კანონი ხმათა უმრავლესობით, 417-ით 10-ის წინააღმდეგ 29 აპრილს დაამტკიცა. მანამდე კი, აღნიშნულ კანონპროექტს 7 აპრილს, აშშ-ს სენატმა დაუჭირა მხარი.
ამასთან, აღნიშნული კანონპროექტი აშშ-ს პრეზიდენტ ჯო ბაიდენს საშუალებას აძლევს, უფრო ეფექტურად გაუგზავნოს უკრაინას იარაღი და სხვა მარაგები.
უკრაინის დემოკრატიის დაცვის “ლენდ-ლიზის” 2022 წლის კანონი კრიტიკული სამხედრო აღჭურვილობისა და სხვა მნიშვნელოვანი მარაგების დე ფაქტო ჩუქების საშუალებას იძლევა იმ დათქმით, რომ დახმარების მიმღები ქვეყნები აშშ-ს თანხას მოგვიანებით გადაუხდიან.
ინფორმაციისთვის, “ლენდ-ლიზის” პროგრამა მეორე მსოფლიო ომის დროს შეიქმნა და კონფლიქტის მსვლელობაში გადამწყვეტი მნიშვნელობის აქტად მიიჩნევა, ვინაიდან ამ გადაწყვეტილებამ აშშ-ს მისცა შესაძლებლობა ხანგრძლივი ბიუროკრატიული პროცედურების გარეშე ნაცისტური გერმანიის წინააღმდეგ მებრძოლი მოკავშირეებისთვის სწრაფად მიეწოდებინა იარაღი და მარაგები.
