“რუსეთის აგრესიის წინააღმდეგ ბრძოლაში საქართველოს მხარდაჭერის იმედი გვაქვს” – დმიტრო კულება

(ACCnews) უკრაინის საგარეო საქმეთა მინისტრი დმიტრო კულება საქართველოს საგარეო უწყების ხელმძღვანელად ილია დარჩიაშვილის დანიშვნას ეხმაურება.

დმიტრო  კულება სოციალურ ქსელში წერს, რომ ელოდება ახალ  მინისტრთან მუშაობას საქართველო-უკრაინის სტრატეგიული პარტნიორობის გასაძლიერებლად.

„მოუთმენლად ველით საქართველოს ახალდანიშნულ საგარეო საქმეთა მინისტრთან, ილია დარჩიაშვილთან მუშაობას საქართველოსა და უკრაინას შორის სტრატეგიული პარტნიორობის მეტად გასაძლიერებლად. რუსეთის აგრესიის წინააღმდეგ ბრძოლაში საქართველოს სრული მხარდაჭერის იმედი გვაქვს”, – წერს დმიტრო კულება.

ცნობისთვის, მთავრობაში საკადრო ცვლილებები განხორციელდა. დავით ზალკალიანი საგარეო საქმეთა მინისტრის პოსტზე ილია დარჩიაშვილმა შეცვალა, ხოლო ზალკალიანი აშშ-ში საქართველოს ელჩად დაინიშნა.