(ACCnews) კრასნოდარის ტერიტორიაზე, სადაც „ვაგნერის“ სასწავლო ცენტრი მდებარეობს, ახალი საფლავები აღმოაჩინეს. გავრცელებული ინფორმაციით, საფლავები სავარაუდოდ უკრაინაში დაღუპული მებრძოლებს ეკუთვნით, რომელთა გარდაცვალების შესახებ ოფიციალური ორგანოები ინფორმაციას არ ავრცელებენ.
“ვაგნერთა“ სავარაუდო სასაფლაოს არსებობის შესახებ ცნობა ტელეგრამის არხს “ტიტუშკი კრასნოდარში” სამხედრო პენსიონერმა, ვიტალი ვოტანოვკსიმ მიაწოდა.
„აგვისტოში ეს სასაფლაო ჯერ კიდეც არ არსებობდა. ის სექტემბერში გაჩნდა. აქ არის მსგავსი საფლავები, მსგავსი ძეგლები და გვირგვინები. სამხედროთა სამარხები ძირითადი სამოქალაქო სასაფლაოდან 200 მეტრის დაშორებით მდებარეობს“, – უამბო აცხადებს ვოტანოვსკი, რომელიც საფლავების ზედამხევდელია.
მისი თქმით, ამ დროისთვის მისი მონაცემთა ბაზა შეიცავს თავდაცვის სამინისტროს სამხედრო პერსონალის 400-ზე მეტ საფლავს, მოხალისეებს და დაქირავებულებს კრასნოდარის ტერიტორიიდან და ადიღეიდან, რომლებიც სავარაუდოდ დაიღუპნენ უკრაინაში.
მთლიანობაში “ვაგნერთა” სავარაუდო სასაფლაოზე 58 ადამიანია დაკრძალული.
ამ დღეებში ვოლგოგრადში დაკრძალეს უკრაინის ომში მონაწილე, კერძო სამხედრო კომპანია „ვაგნერის“ მებრძოლი ალექსანდრ ანისიმოვი, რომელსაც მკვლელობისა და ძარცვის მუხლით 14 წლით პატიმრობა ჰქონდა მისჯილი და სასჯელს მკაცრი რეჟიმის კოლონიაში იხდიდა.
შეგახსენებთ, უკრაინის წინააღმდეგ ომში რუსეთის რეგულარულ ჯარებთან ერთად ჩართულია კერძო სამხედრო კომპანია “ვაგნერი”, რომლის მფლობელია პრეზიდენტ პუტინთან დაახლოებული, მის “პირად მზარეულად” წოდებული ბიზნესმენი ევგენი პრიგოჟინი.”ვაგნერის” მებრძოლები მონაწილეობდნენ სამხედრო სახმელეთო ოპერაციებში სირიაში და აფრიკაშიც. ისინი ეჭვმიტანილი არიან მრავალი სამხედრო დანაშაულის ჩადენაში.
