რუსეთს ხერსონიდან შეიარაღებული ძალები გაჰყავს – შოიგუ სუროვიკინის წინადადებას დაეთანხმა

(ACCnews) რუსეთს ხერსონიდან შეიარაღებული ძალები გაჰყავს. ინფორმაციას “რია ნოვოსტი” ავრცელებს.

მედიის ინფორმაციით, რუსეთის გაერთიანებული ჯარების მეთაურის სერგეი სუროვიკინის წინადადებას ხერსონის რეგიონიდან ჯარების გასვლის შესახებ რუსეთის თავდაცვის მინისტრი სერგეი შოიგუ  დაეთანხმა.

განკარგულება მას შემდეგ გაიცა, რაც შეიარაღებული ძალების სარდალმა, სერგეი სუროვიკინმა თავდაცვის მინისტრს აცნობა, რომ არსებული პირობებით, ყველაზე შესაფერისი ვარიანტია მდინარე დნეპრის ბარიერის ხაზის გასწვრივ თავდაცვის ორგანიზება.

„ამჟამინდელი სიტუაციის ყოვლისმომცველი შეფასებით, შემოთავაზებულია თავდაცვითი პოზიციების დაკავება დნეპრის მარცხენა სანაპიროზე. მე მესმის, რომ ეს ძალიან რთული გადაწყვეტილებაა, მაგრამ ამავე დროს ჩვენ შევინარჩუნებთ ყველაზე მნიშვნელოვანს – სიცოცხლეს. ჩვენი სამხედრო მოსამსახურეების და, ზოგადად, ჯარების ჯგუფის საბრძოლო უნარს, რომელიც უშედეგოდ უნდა იყოს მარჯვენა სანაპიროზე შეზღუდულ ტერიტორიაზე“, – განაცხადა გენერალმა სუროვიკინმა.

მან დააზუსტა, რომ “ჯარის მანევრი განხორციელდება უახლოეს მომავალში, ფორმირებები და დანაყოფები დაიკავებენ თავდაცვით ხაზებს და პოზიციებს, რომლებიც მომზადებულია საინჟინრო თვალსაზრისით მდინარე დნეპრის მარცხენა სანაპიროზე”.

საპასუხოდ, შოიგუმ უპასუხა:

“მე ვეთანხმები თქვენს დასკვნებს და წინადადებებს.”