(ACCnews) პარტია “ლელოს” გენერალური მდივანი ბადრი ჯაფარიძე ამერიკის შეერთებული შტატების დედაქალაქში სამუშაო ვიზიტით მიემგზავრება.
პარტიის მიერ გავრცელებული ინფორმაციის თანახმად, ჯაფარიძეს 14-15 ივლისს, შეხვედრები ექნება როგორც კონგრესში, ასევე სენატში.
ინფორმაციის მიხედვით, მნიშვნელოვანი შეხვედრები სახელმწიფო დეპარტამენტის და აღმასრულებელი ხელისუფლების წარმომადგენლებთან გაიმართება.
“შეხვედრებზე საუბარი შეეხება საქართველოში არსებულ პოლიტიკურ და დემოკრატიულ გამოწვევებს, თანამშრომლობისა და პარტნიორობის ფორმებს დასავლეთთან და კერძოდ ამერიკის შეერთებულ შტატებთან“, – ნათქვამია ინფორმაციაში.
