Saturday, January 28, 2023

“მმართველი პარტია ივანიშვილის დაცვას შეეცდება, არ მოერიდებიან ევროკავშირში ინტეგრაციაზე უარის თქმასაც” – ეკა გიგაური

მთავარი

(ACCnews) “ასეთი პირდაპირი ჩანაწერი ივანიშვილის დასანქცირებასა და ქვეყანაში განვითარებულ მოვლენებზე, მათ შორის, შეფერხებულ რეფორმებზე მის პასუხისმგებლობაზე, ჯერ არც ერთ ოფიციალურ დოკუმენტში არ ყოფილა,” – ამის შესახებ “საერთაშორისო გამჭვირვალობა – საქართველოს” ხელმძღვანელი, ეკა გიგაური სოციალურ ქსელში წერს.

მისივე თქმით, ერთადერთი მიზნის გარშემო გაერთიანება და ფოკუსის გასწორება გვჭირდება, “გარედან არავინ დაგვეხმარება თუ ჩვენ არ მოვინდომეთ”.

მეტი:   "ჩნდება კითხვები სანქციების თავიდან შესაძლო არიდების შესახებ" - ევროპარლამენტარი ივანიშვილისა და ევტუშენკოვის სავარაუდო აუდიჩანაწერზე

“ასეთი პირდაპირი ჩანაწერი ივანიშვილის დასანქცირებასა და ქვეყანაში განვითარებულ მოვლენებზე, მათ შორის, შეფერხებულ რეფორმებზე მის პასუხისმგებლობაზე, ჯერ არც ერთ ოფიციალურ დოკუმენტში არ ყოფილა. ცხადია მის ბიზნესს საქმიანობაზე მსგავსი ჩანაწერი გავლენას მოახდენს. ცხადია მმართველი პარტია მის დაცვას შეეცდება, მათ შორის, საქართველოს და ქართველი ხალხის ინტერესების დაზიანების ხარჯზე. ამ გზაზე არ მოერიდებიან ევროკავშირში ინტეგრაციაზე უარის თქმასაც. ამ დროს ჩვენ რას ვშვრებით? აი ის ხალხი 80% რომ ვართ და ევროპას რომ ვუჭერთ მხარს? დღეს რომ ფრუსტრირებულები ვართ და ვფიქრობთ არაფერს აზრი არ აქვს? სინამდვილეში კი ყველაფერს აქვს აზრი! ერთადერთი მიზნის გარშემო გაერთიანება და ფოკუსის გასწორება გვჭირდება! გარედან არავინ დაგვეხმარება თუ ჩვენ არ მოვინდომეთ! ჩვენ უნდა მოვინდომოთ ევროპა, იმათ რომ მოინდომონ ჩვენი მიღება! ვიფიქროთ ამაზე!”- წერს გიგაური.

მეტი:   ევროპარლამენტის საგარეო ურთიერთობათა კომიტეტმა საქართველოს შესახებ ყოველწლიური ანგარიში კომპრომისული შესწორებებით მიიღო
- Advertisement -spot_img

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ

ბოლო სიახლეები

ანდრეი კასიანოვის ცნობით, უკრაინამ საქართველოს 2008 წლის ომის დროს გადაცემული „ბუკის“ სარაკეტო კომპლექსების დაბრუნება სთხოვა

(ACCnews) "უკრაინამ საქართველოს 2008 წლის ომის დროს გადაცემული „ბუკის“ სარაკეტო კომპლექსების დაბრუნება სთხოვა" - ამის შესახებ საუბარია საქართველოში უკრაინის...
- რეკლამა -spot_img

მსგავსი სიახლეები

- Advertisement -spot_img