(ACCnews) “რუსეთს 21-ე საუკუნეში არსებობის უფლება არ აქვს, მათ არ სურთ მშვიდობა,” – ამის შესახებ უკრაინის პრეზიდენტის აპარატის უფროსის მრჩეველმა, მიხაილ პოდოლიაკმა ვიდეომიმართვაში განაცხადა.
პოდოლიაკმა გავრცელებულ ვიდეომიმართვაში ხაზგასმით აღნიშნა, რომ ომის დაწყებიდან დღემდე ნათლად ჩანს, თუ ვინ უჭერს უკრაინას მხარს და ვინ რჩება პროცესებს მიღმა და აკვირდება მოვლენების განვითარებას.
“ომის 27-ე დღეა. სიმამაცისა და გმირობის 27-ე დღე. დღესდღეობით ნათლად ჩანს, თუ ვინ გვიჭერს მხარს და ვინ რჩება პროცესებს მიღმა და აკვირდება მოვლენების განვითარებას. სამწუხაროდ, მსოფლიომ ბოლომდე ვერ გაიაზრა, რომ ეს ომი არ არის ტერიტორიებისთვის, არც ვაჭრობისთვის და არც ნავთობის ემბარგოსთვის. ეს არის ომი ბარბაროსობის, მასობრივი მკვლელობების, არაჰუმანურობისა და ყველა იმ ამაზრზენობის წინააღმდეგ, რასაც რუსეთი იწვევს. 21-ე საუკუნეში ამ ქვეყანას არ აქვს არსებობის უფლება, რადგან ის არ თამაშობს წესების მიხედვით და არ სურს ამ სამყაროში მშვიდობა. მათ ომში სურთ ცხოვრება, თუმცა ჩვენ გავიმარჯვებთ,” – ამბობს ვიდეომიმართვაში პოდოლიაკი.
