(ACCnews) უნგრეთმა უკრაინისთვის ევროკავშირის მიერ 18 მილიარდი ევროს ოდენობის სესხის გამოყოფას ვეტო დაადო. ინფორმაციას Reuters ავრცელებს.
როგორც გამოცემა წერს, ბრიუსელში ევროკავშირის ეკონომიკისა და ფინანსთა მინისტრების შეხვედრაზე უნგრეთის ფინანსთა მინისტრმა მიჰალი ვარგამ დაადასტურა, რომ მისი მთავრობა უკრაინისთვის ევროკავშირის ერთობლივი სესხის გამოყოფას ეწინააღმდეგება.
ბუდაპეშტმა განაცხადა, რომ კიევს ორმხრივ დახმარებას გაუწევს.
გასულ კვირას ევროკომისია გამოვიდა რეკომენდაციით, უნგრეთს 2027 წლის ბოლომდე ევროკავშირის ბიუჯეტიდან 7.5 მილიარდი ევრო დაუბლოკონ, კორუფციის რისკის გამო. ევროკავშირს ასევე დაბლოკილი აქვს უნგრეთისთვის გათვალისწინებული 5.8 მილიარდი ევრო კოვიდპანდემიის შემდგომ ეკონომიკის აღდგენის ფონდიდან.
