(ACCnews) 1-ელი სექტემბრიდან „გაზპრომი“ უნგრეთს ბუნებრივი აირის გაზრდილ რაოდენობას მიაწვდის. ამის შესახებ უნგრეთის საგარეო საქმეთა მინისტრი პეტერ სიარტო ფეისბუკზე იტყობინება.
“გაზპრომი” უნგრეთს სერბეთის გავლით დღეში 5,8 მილიონ კუბურ მეტრ ბუნებრივ აირს მიაწვდის, ეს იმაზე მეტია ვიდრე ხელშეკრულებით არის გათვალისწინებული.
„გაზპრომთან“ შეთანხმება მიღწეულია: ხვალიდან უნგრეთი მიიღებს 5,8 მლნ კუბურ მეტრ ბუნებრივ აირს, შეთანხმებულ რაოდენობაზე მეტია. ჩვენი ენერგომომარაგება უსაფრთხოა“, – წერს სიარტო.
მინისტრს არ დაუკონკრეტებია რა უჯდება უნგრეთს რუსეთიდან დამატებითი ბუნებრივი აირის მიღება.
1-ელი აგვისტოს მდგომარეობით, უნგრეთის მარაგმა 3,25 მილიარდი კუბური მეტრი შეადგინა, რაც მთლიანი საწყობის 51%-ზე მეტია.
