“რუსეთი დღევანდელი სახით არსებობას შეწყვეტს და აშშ ამისთვის მზად უნდა იყოს” – ბენ ჰოჯესი

(ACCnews) “რუსეთი დღევანდელი სახით არსებობას შეწყვეტს და აშშ ამისთვის მზად უნდა იყოს”, – ამის შესახებ ევროპაში აშშ-ის შეიარაღებული ძალების ყოფილმა სარდალმა ბენ ჰოჯესმა სოციალურ ქსელში დაწერა.

„ჩემი აზრით, ამ კონფლიქტში აშშ-ის მიზანი უნდა შეიცავდეს რუსეთის დეიმპერიალიზაციას. ჩვენ ახლა ვხედავთ დღევანდელი სახით რუსეთის ფედერაციის დასასრულის დასაწყისს. ამისთვის მზად უნდა ვიყოთ. თავის დროზე საბჭოთა კავშირის დაშლისთვის ჩვენ მზად არ ვიყავით“ – წერს ჰოჯესი და ნატოში აშშ-ის ყოფილი ელჩის კურტ უოლკერის განცხადებას აზიარებს, რომ რუსეთის იმპერიალისტური ომები უკრაინით არ დაწყებულა, მანამდე ის საქართველოს წინააღმდეგაც განხორციელდა და „რუსეთი საქართველოში ჯერ კიდევ რჩება“.