(ACCnews) “უკრაინა ითხოვს რუსულ ენერგიაზე ემბარგოს დაწესებას, რაც უნგრეთის ეკონომიკის გაჩერებას ნიშნავს,” – ამის შესახებ უნგრეთის პრემიერ-მინისტრმა, ვიქტორ ორბანმა უნგრულ მედიასთან ინტერვიუში განაცხადა.
ასევე, როგორც უნგრეთის პრემიერმა მედიასთან საუბრისას განაცხადა, ავსტრია და გერმანიაც მიიჩნევენ, რომ თუ რუსული გაზისა და ნავთობის ევროპაში მიწოდება შეწყდება, ეკონომიკა გაჩერდება.
“ბუნებრივი აირი და ნავთობი თუ არ იქნება, მაშინ უნგრეთის ეკონომიკა გაჩერდება. დაიხურება ქარხნები, იქნება მასობრივი უმუშევრობა. ის, რასაც უკრაინელები ითხოვენ, სრულად გააჩერებს უნგრეთის ეკონომიკას. ჩვენ ყველაფერს გავაკეთებთ უკრაინელების დასახმარებლად, რადგან მათ თავს დაესხნენ, მაგრამ არ შეიძლება, მოსთხოვო სხვას, თავი დაიღუპოს შენს გამო,” – განაცხადა ორბანმა.
