Saturday, January 28, 2023

“საქართველოს ევროპული ხვედრი საქართველოს ხელშია” – კარლ ჰარცელი

მთავარი

(ACCnews) “ის, რაც გუშინ ვნახე, საქართველოს ევროპული არჩევანის დიდი, ღირსეული და მშვიდობიანი მანიფესტაცია იყო,” – ამის შესახებ საქართველოში ევროკავშირის ელჩმა, კარლ ჰარცელმა განაცხადა.

მისივე თქმით, ის, რაც გუშინ მოისმინა, იყო ქართველი ხალხის სურვილი, საქართველომ გამოიყენოს მომენტი და ხელიდან არ გაუშვას შესაძლებლობები, რომელიც ევროკავშირმა მისცა.

“გუშინ გაკეთებულ პოლიტიკურ განცხადებებზე კომენტარს არ გავაკეთებ. ვიტყვი იმას, რომ ის, რაც გუშინ გავიგონე, არის, ბევრი, ბევრი ჩვეულებრივი ქართველი, რომლებსაც სურთ, საქართველომ გამოიყენოს მომენტი და ხელიდან არ გაუშვას შესაძლებლობები, რომელიც ევროკავშირმა მისცა და სწორი ნაბიჯები გადადგას საქართველოს ევროპული დღის წესრიგის ფაქტობრივი და რეალური წინსვლისთვის.

მეტი:   ევროკომისიის რეკომენდაციებიდან გამომდინარე შექმნილმა სამუშაო ჯგუფმა სასამართლო რეფორმასთან დაკავშირებით სამოქმედო გეგმა მოამზადა

ევროპულმა კომისიამ პარასკევს განაცხადა, რომ იხსნება ევროპული პერსპექტივა უკრაინისთვის, მოლდოვასა და საქართველოსთვის. ეს ნიშნავს, რომ არ უნდა გამოგვრჩეს ძალიან აშკარა “დიახ” ევროპული კომისიისგან, რომ საქართველოს აქვს პოტენციალი, გახდეს ევროკავშირის წევრი,” – აღნიშნა ელჩმა.

მეტი:   "პარტნიორებს ვესაუბრებით საქართველოს ევროპულ მომავალზე, ევროპულ პერსპექტივებზე, კანდიდატის სტატუსთან დაკავშირებულ პროცესებზე" - ირაკლი კობახიძე

ელჩი ევროპული საბჭოს პრეზიდენტის, შარლ მიშელის გუშინდელ განცხადებასაც გამოეხმაურა და აღნიშნა, რომ ეს იყო ძლიერი გზავნილები.

“გუშინ ჩვენ მოვისმინეთ პრეზიდენტ მიშელისგან, რომელიც კარგად არის ცნობილი ამ ქვეყნისთვის, რომ დროა იმის გასაცნობიერებლად, რომ უკრაინის, მოლდოვის და საქართველოს მომავალი ევროკავშირშია. ეს არის ძლიერი გზავნილები. ამასთან, როგორც ვიცით, საქართველოს შესახებ დასკვნა შედარებით ნაკლებად კეთილგანწყობილი იყო, ვიდრე უკრაინისა და მოლდოვის შესახებ, რაც ხაზს უსვამს მტკიცე ნაბიჯების გადადგმის აუცილებლობას იმისთვის, რომ ამ მისწრაფებების დემონსტრირება მოხდეს. ამისთვის ჩვენ გვაქვს შესასრულებელი მოთხოვნების სია. იმედი მაქვს და რამდენიმე დღეში ვნახავთ, თუკი ევროპულ საბჭოში წევრი ქვეყნების დასკვნაც იგივე იქნება, როგორიც ევროპული კომისიის, ამის შემდეგ გზავნილი ძალიან ნათელია : საქართველოს ევროპული ხვედრი საქართველოს ხელშია და ევროპული დღის წესრიგის წინსვლისთვის გულმოდგინედ მუშაობისა და ნაბიჯების წინ გადადგმის დროა,” – აღნიშნა ელჩმა.

მეტი:   "უკრაინაში ვიზიტით წერტილი დაესვა გაუგებრობებს, რომელიც დაფუძნებული იყო ტყუილზე" - თეა წულუკიანი
- Advertisement -spot_img

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ

ბოლო სიახლეები

ანდრეი კასიანოვის ცნობით, უკრაინამ საქართველოს 2008 წლის ომის დროს გადაცემული „ბუკის“ სარაკეტო კომპლექსების დაბრუნება სთხოვა

(ACCnews) "უკრაინამ საქართველოს 2008 წლის ომის დროს გადაცემული „ბუკის“ სარაკეტო კომპლექსების დაბრუნება სთხოვა" - ამის შესახებ საუბარია საქართველოში უკრაინის...
- რეკლამა -spot_img

მსგავსი სიახლეები

- Advertisement -spot_img