(ACCnews) “ომი არ არის გამოსავალი – უკრაინელებს, რუსებს და სხვა ხალხებს მშვიდობა სჭირდებათ“– განაცხადა გაერო-ს გენერალურმა მდივანმა, ანტონიო გუტერეშმა გაერო-ს გენერალურ ასამბლეაზე, სადაც უკრაინისა და მისი მოკავშირეების მიერ მხარდაჭერილ რეზოლუციას განიხილავენ, რომელიც უკრაინიდან რუსეთის დაუყოვნებლივ და უპირობოდ გასვლას მოითხოვს.
როგორც გუტერეშმა განაცხადა, უკრაინაში რუსეთის შეჭრა დასავლეთის “კოლექტიური სინდისის შეურაცხყოფაა.”
“თვითკმაყოფილება მხოლოდ გააღრმავებს კრიზისს და კიდევ უფრო დააზიანებს ჩვენს საერთო პრინციპებს, რომლებიც ქარტიაშია გაცხადებული. ომი არ არის გამოსავალი. ომი არის პრობლემა. უკრაინაში ხალხი ძალიან იტანჯება. უკრაინელებს, რუსებს და სხვა ხალხებს მშვიდობა სჭირდებათ“, – აღნიშნა გუტერეშმა.
გუტერეშის განცხადებით, ომი აძლიერებს რეგიონულ არასტაბილურობას და აძლიერებს გლობალურ დაძაბულობასა და განხეთქილებას.
გაერო-ს გენერალურმა ასამბლეამ კენჭი უნდა უყაროს რეზოლუციას, რომელიც ხაზს უსვამს „უკრაინაში ყოვლისმომცველი, სამართლიანი და ხანგრძლივი მშვიდობის რაც შეიძლება მალე მიღწევის აუცილებლობას, გაერო-ს წესდების პრინციპების შესაბამისად”.
