(ACCnews) წინასწარი მონაცემებით, ჯორჯიის შტატში სენატის არჩევნების მეორე ტურის შედეგად, მოქმედი დემოკრატი სენატორი რაფაელ უორნოკი იმარჯვებს. ინფორმაციას „ბიბისი“ Edison Research-ზე დაყრდნობით ავრცელებს.
უორნოკმა მეორე ტურში რესპუბლიკელი კანდიდატი ჰერშელ უოლკერი დაამარცხა. ამგვარად, 100-ადგილიან სენატში დემოკრატებს 51, რესპუბლიკელებს კი, 49 ხმა ექნებათ.
როგორც რთული კამპანიის შემდეგ, რაფაელ უორნოკმა განაცხადა, „ხალხმა თავისი სათქმელი თქვა“.
