(ACCnews) რუსი დამპყრობლები ლუგანსკის რაიონის ქალაქ კრემენაიაში შევიდნენ, დაიწყო ქუჩის ბრძოლები. – ინფორმაციას ლუგანსკის რაიონული სამხედრო ადმინისტრაციის უფროსი სერგეი გაიდაი ავრცელებს.
გაიდაის ინფორმაციით, მოსახლეობის ევაკუაცია ამ ეტაპზე შეუძლებელია.
მისი თქმით, კრემენის საარტილერიო დაბომბვა 24 საათის განმავლობაში გაგრძელდა, ცეცხლი მოეკიდა 7 საცხოვრებელ სახლს. გარდა ამისა, ოკუპანტებმა დარტყმა განახორციელეს სპორტკომპლექს „ოლიმპზე“.
„რამდენიმე საათის წინ რუსების ჭურვები მოხვდა სპორტული ინფრასტრუქტურის ადგილობრივ ობიექტებს. უფრო კონკრეტულად, ცოტა ხნის აშენებულ სპორტკომპლექს „ოლიმპს“, სადაც ჩვეულებრივ უკრაინის ოლიმპიური ნაკრების წარმომადგენლები ვარჯიშობდნენ“,- განაცხადა მან.
ცნობისთვის, რუსეთის ჯარის უკრაინაში შესვლიდან უკვე 54 დღე გავიდა. ბოლო მონაცემებით ორივე მხარეს არის ათასობით მსხვერპლი. უკრაინას უკვე ჰყავს 4 მილიონზე მეტი ლტოლვილი. რუსეთს უკრაინაში შეღწევის გამო აშშ-მ, ევროკავშირის ქვეყნებმა, გაერთიანებულმა სამეფომ, იაპონიამ და ავსტრალიამ სანქციები დაუწესა.
