(ACCnews) “აშშ-ის საელჩო მხარს უჭერს ქართველ პროკურორებსა და სამართალდამცველებს, იმისათვის, რომ ფინანსურ დანაშაულზე პასუხისმგებლობის დაკისრებისას მათი შესაძლებლობები გაუმჯობესდეს” – აღნიშნული განცხადება საქართველოში აშშ-ის საელჩომ საკუთარ გვერდზე გამოაქვეყნა.
ცნობისათვის: გასულ კვირას ქართველმა პროკურორებმა და სამართალდამცველებმა, აშშ-ის საელჩოს ნარკოტიკებთან ბრძოლისა და სამართალდამცველ ორგანოებთან ურთიერთობის ბიუროსა და აშშ-ის იუსტიციის დეპარტამენტის წარმომადგენლებთან ერთად, პრაღის ცენტრალური და აღმოსავლეთ ევროპის სამართლის ინიციატივის ინსტიტუტში (CEELI) ფინანსური გამოძიების ტექნიკაზე კურსი გაიარეს.
ქართველმა მონაწილეებმა ფინანსური დანაშაულის გამოძიების, მათ შორის ფულის გათეთრების დანაშაულის გამოძიების უნარები გაიღრმავეს.
პროგრამა CEELI-ს ინსტიტუტის დაფინანსებითა და აშშ-ის ნარკოტიკებთან ბრძოლისა და სამართალდამცავ ორგანოებთან თანაბშრომლობის ბიუროს მხარდაჭერით განხორციელდა.
