(ACCnews) “კრიზისული სიტუაციებისას, როგორიცაა მძევლების აყვანა, ბარიკადების აღმართვა და სუიციდის მცდელობები, სამართალდამცავი ოფიცრის მოლაპარაკების უნარი წინა პლანზე გადმოდის. შესაბამისი მომზადებითა და გამოცდილების გაზიარებით, ჩვენ ვეხმარებით ქართველ ოფიცრებს ამ აუცილებელი უნარჩვევების განვითარებაში”, – ასეთ ინფორმაციას ავრცელებს საქართველოში აშშ-ის საელჩოს გვერდი.
ახლახან, ქართველი სამართალდამცავი ოფიცრების მოსამზადებლად აშშ-ის ანტინარკოტიკულ და სამართალდამცავ ორგანოებთან თანამშრომლობის ბიურომ საქართველოში გამოძიების ფედერალური ბიუროს (FBI) მოლაპარაკებებისთვის ოთხი ექსპერტი ჩამოიყვანა.
“აშშ-ის მისია საქართველოში განაგრძობს საქართველოს სამართალდამცავი სტრუქტურების მხარდაჭერას ქართველი ხალხის უსაფრთხოებისა და კეთილდღეობისთვის”, – ვკითხულობთ გვერდზე.
