(ACCnews) აშშ და ევროკავშირი ევროპის ქვეყნებისთვის ბუნებრივი აირის მიწოდების შესახებ შეთანხმებას ხელს მოაწერენ. ინფორმაციას Reuters-ი ავრცელებს, რომელიც ასევე იუწყება, რომ შეერთებული შტატები აპირებს ევროპის ქვეყნებს უფრო მეტი ბუნებრივი აირი მიაწოდოს.
აღნიშნულის შეთანხმების მიზანია, ევროპა რუსულ გაზზე რაც შეიძლება ნაკლებად დამოკიდებული გახდეს და ოფიციალურ მოსკოვს შანტაჟის საშუალება არ მისცეს.
გამოცემის ცნობით, აშშ-ის მიზანია მიმდინარე წლის ბოლომდე კონტინენტი 15 მილიარდი კუბური მეტრი გაზით მოამარაგოს.
უკრაინაში ომის დაწყების შემდეგ ევროკავშირმა დადო პირობა, რომ წელს ორი მესამედით შეამცირებს რუსული გაზის მოხმარებას სხვა ქვეყნებიდან იმპორტითა და განახლებადი ენერგიის რესურსების გაფართოების საშუალებით.
