(ACCnews) გერმანიის ყოფილმა კანცლერმა ანგელა მერკელის განცხადებით, უკრაინაში ომის კონტექსტში რუსული მუქარის იგნორირება, როგორც ბლეფი, არ შეიძლება. ამის შესახებ მან მიუნხენში Süddeutsche Zeitung-ის 77 წლის იუბილესადმი მიძღვნილ ცერემონიაზე განაცხადა, წერს European Truth.
მერკელის თქმით, რუსეთის თავდასხმა უკრაინაზე იყო “ღრმა გარდამტეხი მომენტი” და რომ “ჩვენ ყველას მოგვიწოდებენ სერიოზულად მივიღოთ სიტყვები და თავიდანვე არ მივიჩნიოთ ბლეფად”.
მან ხაზგასმით აღნიშნა, რომ ევროპაში გრძელვადიანი მშვიდობა მხოლოდ რუსეთის მონაწილეობითაა შესაძლებელი.
„სანამ ამას არ გავაკეთებთ, ცივი ომი არ დასრულდება“, – თქვა მერკელმა.
შეგახსენებთ, გერმანიის ყოფილი კანცლერი ანგელა მერკელი რუსეთის პრეზიდენტის ვლადიმერ პუტინის მუქარას ბირთვული იარაღის გამოყენების შესახებ რამდენიმე დღის წინათაც გამოეხმაურა. მისი თქმით, პოლიტიკური სიბრძნე იქნებოდა ამ განცხადებების სერიოზულად მიღება. მისი თქმით, პუტინის ყველა მუქარა ბლეფად არ უნდა ჩაითვალოს.
მერკელის სიტყვებს პრეზიდენტის ადმინისტრაციის უფროსის მრჩეველი მიხაილო პოდოლიაკი გამოეხმაურა და განაცხადა, რომ მიუხედავად უკრაინის არმიის წარმატებული კონტრშეტევითი მოქმედებებისა, ევროპული ქვეყნებს კვლავ ეშინიათ რუსეთის.
