“ევროკავშირის გადაწყვეტილება რუსეთთან გამარტივებული სავიზო რეჟიმის შეჩერების შესახებ უპასუხოდ არ დარჩება”– რუსეთის საგარეო საქმეთა მინისტრი

(ACCnews) რუსეთის საგარეო საქმეთა მინისტრის მოადგილის, ალექსანდრე გრუშკოს განცხადებით,  ევროკავშირის გადაწყვეტილება რუსეთთან გამარტივებული სავიზო რეჟიმის შეჩერების შესახებ უპასუხოდ არ დარჩება.

„რუსეთთან სავიზო რეჟიმის გამარტივების შესახებ შეთანხმებიდან ევროკავშირის გასვლა და მისგან გვერდის ავლა უპასუხოდ არ დარჩება. ჩვენ თვითონ გადავწყვეტთ, იქნება თუ არა მიღებული ზომები სიმეტრიული, ასიმეტრიული თუ სხვა, რასაც ბრიუსელი არ ელის“, – განაცხადა გრუშკომ.

შეგახსენებთ, ევროკავშირის ქვეყნების საგარეო საქმეთა მინისტრებმა მიაღწიეს პოლიტიკურ შეთანხმებას რუსეთთან გამარტივებული სავიზო რეჟიმის შეჩერებაზე უკრაინის წინააღმდეგ ომის ფონზე.