(ACCnews) ევროკავშირის ლიდერები შეთანხმდნენ რუსეთის ნავთობის იმპორტის ორ მესამედზე მეტის დაბლოკვის გეგმაზე. ინფორმაციას BBC ავრცელებს.
აკრძალვა არის კომპრომისი, რომელიც არ იმოქმედებს მილსადენის ნავთობის იმპორტზე, უნგრეთის წინააღმდეგობის შემდეგ.
როგორც ევროპული საბჭოს ხელმძღვანელმა ჩარლზ მიშელმა აღნიშნა, შეთანხმებამ შეწყვიტა რუსული სამხედრო მანქანის “დაფინანსების უზარმაზარი წყარო”.
ეს არის ბრიუსელის სამიტზე დამტკიცებული სანქციების მეექვსე პაკეტის ნაწილი, რომელზეც 27-ვე წევრი ქვეყანა უნდა შეთანხმებულიყო.
შარლ მიშელის განცხადებით, ევროკავშირი ასევე დათანხმდა მძიმე ზომებს, რომლებიც მიზნად ისახავს რუსეთის უმსხვილეს ბანკს, სბერბანკს და სამ სახელმწიფო მაუწყებელს.
ევროკავშირის წევრები საათობით იბრძოდნენ რუსული ნავთობის იმპორტის აკრძალვის შესახებ უთანხმოების მოსაგვარებლად, რომლის მთავარი მოწინააღმდეგე უნგრეთი იყო, რომელიც ნავთობის იმპორტის აკრძალვას ეწინააღმდეგებოდა.
ამასთან, შარლ მიშელის განცხადებით, შეთანხმების მიხედვით, თავდაპირველად აკრძალვა არ შეეხება მილსადენებით იმპორტირებულ რუსულ ნავთობს.
„ჩვენ გვინდა, შევაჩეროთ რუსული ომის მანქანა და შევწყვიტოთ რუსეთის სამხედრო შესაძლებლობების დაფინანსება ისეთი სანქციების განხორციელებით, რომლებიც კრემლზე ზეწოლას მოახდენს. დღეს ევროპულმა საბჭომ შეათანხმა სანქციების მეექვსე პაკეტი. კერძოდ, ის აკრძალავს რუსული ნავთობის იმპორტს, მილსადენებით მიწოდებული ნავთობის დროებითი გამონაკლისით. ზუსტად რომ ვთქვა, სანქციები დაუყოვნებლივად აისახება რუსული ნავთობის იმპორტის 75 პროცენტზე და წლის ბოლოსთვის ეს ზომა შეეხება ევროპაში იმპორტირებული რუსული ნავთობის 90 პროცენტს”, – განაცხადა შარლ მიშელმა.
ევროკომისიის პრეზიდენტის ურსულა ფონ დერ ლაიენის თქმით, მიმდინარე წლის ბოლმდე აკრძალვა რუსული ნავთობის იმპორტის 90 პროცენტზე გავრცელდება.
საბჭოს დასკვნით განცხადებაში ასევე აღნიშნულია, რომ ევროპული საბჭო ითვალისწინებს ევროკომისიის მიერ უკრაინის, ასევე მოლდოვისა და საქართველოს ევროკავშირში წევრობის განაცხადებზე მოსაზრებების მომზადებას და ამ საკითხს ივნისის შეხვედრაზე დაუბრუნდება.
