(ACCnews) თურქეთის პრეზიდენტის რეჯეფ თაიფ ერდოღანი არ გამორიცხავს, რომ ტამბოლის ცენტრში მომხდარი აფეთქება ტერორისტული თავდასხმა იყო.
როგორც ერდოღანმა განაცხადა, პირველადი მონაცემებით, ყველაფერი ამ ვარაუდზე მიუთითებს.
მისი თქმით, ახლა სწორი არ იქნება დარწმუნებით საუბარი, რომ ეს ტერაქტია, თუმცა წინასწარი მონაცემები, სათვალთვალო ვიდეოკამერებიდან კადრები, ასევე გუბერნატორის მიერ მიწოდებული ინფორმაცია აჩვენებს, რომ შესაძლოა, ეს ტერაქტი ყოფილიყო.
ამასთან, ერდოღანის განცხადებით, შესაბამისი სამსახურები აგრძელებენ მუშაობას ამ დანაშაულში მონაწილე ყველა პირის დასადგენად.
ბოლო მონაცემებით, სტამბოლის ცენტრში, ისტიკლალის გამზირზე მომხდარი აფეთქების შედეგად, დაღუპულია 6 ადამიანი, ხოლო 53 დაშავდა.
