“გეკითხებით ემიგრაციაში მყოფ ხალხს, რას დათმობთ დღევანდელი ხელისუფლების მოსაცილებლად?” – ნინუკა ბორჩხაძე

(ACCnews) „ნაციონალური მოძრაობის“ აქტიური მხარდამჭერი, ემიგრანტი ჟურნალისტი ნინუკა ბორჩხაძე სოციალური ქსელის საშუალებით ემიგრანტებს მიმართავს და ინტერესდება, რისი გაღებისათვის არიან მზად ემიგრანტები არსებული ხელისუფლების შესაცვლელად.

„მეგობრებში მყავს საქართველოს უამრავი მოქალაქე, ვინც ამ სივრცეში, ყოველდღიურად ამტკიცებს, რომ უყვარს საკუთარი სამშობლო და გული შესტკივა მასზე. დღეს დადგა დღე, როცა ჩვენი სიტყვები საქმედ უნდა ვაქციოთ. თქვენ გეკითხებით, ემიგრაციაში მყოფ ხალხს, რას დათმობთ და გაიღებთ თქვენ, დღევანდელი დამნაშავე ხელისუფლების მოსაცილებლად და საკუთარი ქვეყნის ოლიგარქის მარწუხებისგან დასაცავად? მე მზად ვარ ყველაფერი დავთმო,“- წერს ნინუკა ბორჩხაძე.

ცნობისათვის,ქართული ოპოზიციური სპექტრი უახლოეს დღეებში მასშტაბული აქციების ციკლს აანონსებს. აქციის ორგანიზატორები მონაწილეებს სამოქმედო გეგმას 24 ივნისს გააცნობენ.