(ACCnews) გამოცემა DW-ის ინფორმაციით, გერმანიის მთავრობის განცხადებით, რუსეთისგან გარანტიები მიიღეს, რომ ევროპას რუსული გაზის მიწოდების სანაცვლოდ რუბლის გადახდა არ მოუწევს.
როგორც აღნიშნული გამოცემა გერმანიის კანცლერის, ოლაფ შოლცის ოფისზე დაყრდნობით იტყობინება, რუსეთის პრეზიდენტმა, ვლადიმირ პუტინმა შოლცს უთხრა, რომ ევროპულ კომპანიებს ევროთი გადახდის გაგრძელება შეუძლიათ.
ამასთან, როგორც გამოცემა წერს, ვლადიმერ პუტინი გერმანიის კანცლერს განუცხადა, რომ თანხა ჯერ გაზპრომ ბანკში გადაირიცხება, შემდეგ კი რუსეთში – რუბლებში. გაზპრომ ბანკი, ამ დროისთვის, სანქცირებული არ არის.
“შოლცი ამ პროცედურას საუბარში არ დათანხმდა, თუმცა მის უკეთ გასაგებად წერილობითი ინფორმაცია ითხოვა”. – წერია გერმანიის კანცლერის ოფისის განცხადებაში.
ცნობისთვის, რამდენიმე დღის წინ რუსეთის პრეზიდენტმა, ვლადიმირ პუტინმა განაცხადა, “რომ არამეგობრულ ქვეყნებში” გაზი რუბლებში გაიყიდება მას შემდეგ, რაც უცხო ქვეყნებში რუსული აქტივების გაყინვამ მოსკოვში მათდამი ნდობა შეამცირა.
