(ACCnews) პოლონეთის პრეზიდენტმა, ანდჟეი დუდამ უკრაინაში ომს ტერორიზმი უწოდა. – შესაბამისი განცხადება მან უკრაინის პრეზიდენტ ვოლოდიმირ ზელენსკისთან და ბალტიის სამი ქვეყნის ლიდერებთან შეხვედრისას გააკეთა.
ანდჟეი დუდას თქმით, უკრაინის ომის დამნაშავეები მკაცრად უნდა დაისაჯონ.
“ეს ომი არ არის, ეს ტერორიზმია,” – აღნიშნა დუდამ.
ცნობისთვის, პოლონეთის პრეზიდენტი უკრაინაში ოფიციალური ვიზიტის ფარგლებში ქალაქ ბუჩასაც ეწვია.
შეგახსენეთ, რომ რუსეთის ჯარის უკრაინაში შესვლიდან უკვე 49 დღე გავიდა. ბოლო მონაცემებით ორივე მხარეს არის ათასობით მსხვერპლი. უკრაინას უკვე ჰყავს 4.5 მილიონზე მეტი ლტოლვილი. რუსეთს უკრაინაში შეღწევის გამო აშშ-მ, ევროკავშირის ქვეყნებმა, გაერთიანებულმა სამეფომ, იაპონიამ და ავსტრალიამ სანქციები დაუწესა.
