(ACCnews) დონეცკში რუსი ოკუპენტების მიერ დატყვევებულ ბრიტანელ, ხორვატ და შვედ მებრძოლებს სიკვდილით დასჯა ემუქრებათ. ინფორმაციას Reuters-ი ავრცელებს.
სააგენტოს ინფორმაციით, თვითგამოცხადებული ე.წ. დონეცკის სახალხო რესპუბლიკის წარმომადგენლები ამბობენ, რომ ბრიტანელ ჯონ ჰარდინგს, ხორვატ ვიეკოსლავ პრებეგს და შვედ მატიას გუსტაფსონს ბრალად ანაზღაურების სანაცვლოდ საბრძოლო მოქმედებებში უკრაინის მხარეს მონაწილეობა ედებათ.
იგივე ბრალდებას ე.წ. დონეცკის რესპუბლიკა ორ ბრიტანელს უყენებს.
არცერთი დაკავებული ბრალდებებს არ აღიარებს.
რუსული სააგენტოების ცნობით, ე.წ. სასამართლო პროცესი ოქტომბერში უნდა განახლდეს.
