(ACCnews) “ბუჩასა და ირპენში რუსეთის “გულის ამრევი თავდასხმები” უკრაინის მშვიობიანი მოქალაქეების წინააღმდეგ ომის დანაშაულია,” – ამის შესახებ დიდი ბრიტანეთის პრემიერ-მინისტრმა, ბორის ჯონსონმა განაცხადა.
მისივე თქმით, რუსი ოკუპანტები “არ გაჩერდებიან მანამ, სანამ სამართალი არ აღსრულდება”.
“ბუჩასა და ირპენში რუსეთის “გულის ამრევი თავდასხმები” უკრაინის მშვიობიანი მოქალაქეების წინააღმდეგ ომის დანაშაულია. არ გაჩერდებიან მანამ, სანამ სამართალი არ აღსრულდება. ჩვენ ყველაფერს გავაკეთებთ, რომ პუტინის ომის მანქანა გამოიფიტოს […] დიდი ბრიტანეთი მხარს უჭერს სისხლის სამართლის საერთაშორისო სასამართლოში საქმის გამოძიებას”, – განაცხადა ბორის ჯონსონმა.
ცნობისთვის, გათავისუფლებული კიევის რეგიონის ქალაქ ბუჩას მერი ანატოლი ფედორუკი აცხადებს, რომ უკრაინის 300-ზე მეტი მოკლული მოქალაქე იპოვეს. მისი თქმით, დაღუპულების დიდი ნაწილი მასიურ სასაფლაოზე იპოვეს, ნაწილი კი ქუჩებში.
