(ACCnews) უკრაინის შინაგან საქმეთა სამინისტროს მრჩევლის, ანტონ გერაშჩენკოს მიერ „ტელეგრამში“ გავრცელებული ინფორმაციით, რადას ყოფილი დეპუტატი დავით ჟვანია უკრაინაში, „ნაცრისფერ ზონაში“ დაბომბვისას დაიღუპა. ამის შესახებ ინფორმაციას უკრაინული მედია ავრცელებს.
მედიის ცნობით, ჟვანია ზაპოროჟიეს რეგიონში, სოფელ ნოვოპოკროვკასთან, რუსი ოკუპანტების საგუშაგოსთან საარტილერიო სროლის შედეგად დაიღუპა.
ცნობისათვის, დავით ჟვანია დაიბადა თბილისში, 1991 წელს დაამთავრა თბილისის უნივერსიტეტის ეკონომიკური დაგეგმარების ფაკულტეტი ეკონომიკის განხრით. თავად პოლიტიკოსის თქმით, ის 1991 წლიდან ცხოვრობს და მუშაობს უკრაინაში, 1999 წლიდან არის უკრაინის მოქალაქე.
