(ACCnews) ნებისმიერ ბაღს ადრე თუ გვიან მავნებელი მიაგნებს, ამიტომ, მნიშვნელოვანია ისეთი გეგმით ხელმძღვანელობა, რომელიც ბაღის გარშემო არსებულ მთელ ეკოსისტემას გაითვალისწინებს. ამერიკის სოფლის მეურნეობის დეპარტამენტს ამ მხრივ მრავალწლიანი გამოცდილება აქვს, რომელიც ფრესნოს უნივერსიტეტთან ერთად სიამოვნებით გავუზიარეთ საქართველოს. ინფორმაციას ამის შესახებ საქართველოში შეერთებული შტატების საელჩო საკუთარ გვერდზე ავრცელებს.
როგორც საელჩოს მიერ გამოქვეყნებულ ინფორმაციაში ირკვევა, სპეციალურად საქართველოსთვის შემუშავდა მავნებლების ინტეგრირებული მართვის (IPM) ცხრა სხვადასხვა მოდული, რომლითაც იხელმძღვანელებენ საქართველოს სამთავრობო სააგენტოები, უნივერსიტეტები, კვლევითი ინსტიტუტები და კერძო სექტორის წარმომადგენლები.
ამ სისტემის მეშვეობით დაცული იქნება არა მხოლოდ მოსავლის ხარისხი არამედ ადამიანის ჯანმრთელობა და გარემო.
