(ACCnews) “სუფთა, საიმედო და ხელმისაწვდომი ადგილობრივი ელექტროენერგიის წარმოება განსაკუთრებით მნიშვნელოვანია საქართველოს ეკონომიკის ზრდის, კლიმატური ვალდებულებების შესრულების და ქვეყნის უნიკალური გარემოს დაცვისთვის. ამერიკის მთავრობა თანამშრომლობს საქართველოსთან, რათა ხელი შეუწყოს სუფთა ენერგიის წარმოების გაფართოებას”, – ამის შესახებ აშშ-ის საელჩო საქართველოში საკუთარ გვერდზე წერს.
აშშ-ის ელჩმა კელი დეგნენმა ისაუბრა განახლებადი ენერგიის ინვესტიციების კონფერენციაზე. კონფერენცია ორგანიზებულიიყო USAID-ის და საქართველოს ეკონომიკისა და მდგრადი განვითარების სამინისტროს მიერ.
ელჩმა აღნიშნა, რომ განახლებად და სუფთა ენერგიაში ინვესტიციების განხორციელება ხელს შეუწყობს ქართველ მომხმარებლებს წვდომა ჰქონდეთ მდგრად და ხელმისაწვდომ ენერგიაზე, შეამცირებს სხვა ქვეყნების იმპორტზე დამოკიდებლობას და დააკმაყოფილებს საქართველოს კლიმატთან დაკავშირებულ ამოცანებს.
