“დიდი მადლობა დაუვიწყარი შთაბეჭდილებებისათვის”, – ასეთი განცხადება გაავრცელა შეერთებული შტატების ელჩმა საქართველოში კელი დეგნანმა რეგიონებში ვიზიტის დასრულების შემდეგ.
“რეგიონებში ვიზიტებისას ვერაფერს შევადარებთ იმ დადებით მუხტს, რომელსაც მოსწავლეებისა და მათი მასწავლებლების მონახულებისას ვიღებთ. ვხვდებით ენერგიულ, გამჭრიახ, ენთუზიაზმით სავსე ახალგაზრდებს და მასწავლებლებს, რომლებიც თავს არ ზოგავენ მათი აღსაზრდელებისთვის უკეთესი ცხოვრების შესაქმნელად. აშშ-ის მთავრობის მიერ მათთვის შექმნილი ყველა პროგრამის წარმატების მიზეზი სწორედ ისინი არიან. გვიხარია, რომ უკვე 30 წელია, ჩვენი ქვეყნების პარტნიორობისა და მეგობრობის შედეგად, ბევრი მოსწავლისა და მასწავლებლის ცხოვრებას ვცვლით”, – ინფორმაციას ამის შესახებ საქართველოში შეერთებული შტატების საელჩო, სოციალურ ქსელში, საკუთარ გვერდზე ავრცელებს.
შეგახსენებთ, კელი დეგნანი საქართველოსა და აშშ-ს 30 წლიანი პარტნიორობის ფარგლებში საქართველოს რეგიონებში იმყოფებოდა და მოსახლეობას შეხვდა.
