(ACCnews) “ჩვენ გვჯერა, რომ, როდესაც მოსამართლე შეიარაღებულია კანონის უზენაესობის დასაცავად საჭირო ინსტრუმენტებითა და ცოდნით, ქვეყანას შეუძლია დემოკრატიის გაძლიერება”, – აღნიშნულ ციტატას საქართველოში შეერთებული შტატების საელჩო საკუთარ გვერდზე ავრცელებს.
აშშ-ის ელჩის ინფორმაციით, საელჩო ძალისხმევას არ იშურებს ქართველი მოსამართლეებისთვის საგანმანათლებლო და პროფესიული გაცვლითი პროგრამების შექმნისთვის.
რეგიონებში ვიზიტისას ელჩი ხვდება მოსამართლეებს, სადაც ის მოისმენს მათი გამოცდილებისა და გამოწვევების შესახებ.
“მადლობას ვუხდით ამბროლაურის რეგიონულ სასამართლოს შესაძლებლობისთვის, გაგვეზიარებინა ჩვენი ხედვა და მოგვესმინა მათი აზრი. დიდი მადლობა მოსამართლე როინ კახიძეს საინტერესო დისკუსიისა და მასპინძლობისათვის”, – ვკითხულობთ საელჩოს მიერ გავრცელებულ განცვხადებაში.
