“შავ ზღვაში რუსული კრეისერი “მოსკოვი” იწვის” – ალექსეი არესტოვიჩი

(ACCnews) უკრაინელებმა შავ ზღვაში ოკუპანტების სამხედრო გემი “მოსკოვი” დაბომბეს. – ამის შესახებ ინფორმაციას უკრაინული მედია ავრცელებს.

ცოტა ხნის წინ კი უკრაინის პრეზიდენტის ადმინისტრაციის მრჩეველმა, ანდრეი არესტოვიჩმა აღნიშნული ინფორმაცია ერთ-ერთ სატელევიზიო ინტერვიუში დაადასტურა.

“შავ ზღვაში რუსული კრეისერი “მოსკოვი” იწვის. ეს სწორედ ის კრეისერია, რომელიც კუნძულ ზმეინისთან, უკრაინელ სამხედროებს დანებებისკენ მოუწოდებდა, უარის შემდეგ კი, მათი მისამართით ცეცხლი გახსნა,” – განაცხადა არესტოვიჩმა და დასძინა, რომ “ხომალდამდე სამაშველო ეკიპაჟები ძლიერი ღელვის გამო ვერ მიდიან.”