(ACCnews) აკადემიურ სივრცეში კიბერქურდობისა და კიბერუსაფრთხოების თემაზე ამერიკული ორგანიზაცია CRDF Global შეერთებული შტატების სახელმწიფო ადმინისტრაციის მხარდაჭერითა და “ამერიკული კულტურის ცენტრის” თანაორგანიზატორობით, თბილისში, სასტუმრო “რუუმს ჰოტელის” საკონფერენციო დარბაზში, მასპინძლობდა 3-დღიან სემინარს, რომლის მიზანი იყო საქართველოსა და სომხეთში არსებული აკადემიური დაწესებულებების დაცვისა და რეაგირების შესაძლებლობების გაფართოება იმ კრიმინალური სუბიექტების მხრიდან მომდინარე კიბერსაფრთხეების წინაშე, რომლებიც ცდილობენ, კომპიუტერულ სისტემებსა და ქსელებზე არაავტორიზებული წვდომის მეშვეობით მოიპოვონ მარტივად გავრცელებადი კვლევითი და საპროექტო მონაცემები.
ტრენინგში მონაწილეობას იღებდნენ საუნივერსიტეტო საინფორმაციო ტექნოლოგიის ლიდერები, კიბერუსაფრთხოების პროფესიონალები და სხვა დაინტერესებული პირები უმაღლესი სასწავლო და კვლევითი დაწესებულებებიდან.
ტრენინგი 6 ივნისს დაიწყო და დასრულდა 2022 წლის 8 ივნისს. გარდა ამისა, CRDF Global კრიტერიუმების შესაბამის დაწესებულებებს შესთავაზებს გრანტებს კიბერუსაფრთხოების მცირე გრანტების პროგრამის მეშვეობით. ფინანსური რესურსები ხელმისაწვდომი გახდება დაწესებულებებისთვის, რომ დანერგონ მართვისა და დაცვის რეკომენდებული საშუალებები.
CRDF Global მიიღებს განაცხადებს და შემდეგ გრანტებით დააჯილდოებს კვლევით დაწესებულებებსა და უნივერსიტეტებს, რომლებსაც გაგზავნილი ჰყავთ წარმომადგენლები სემინარზე.
ტრენინგმა შესაძლებლობა მისცა მონაწილეებს დაადგინონ და უზრუნველყონ, რომ დაწესებულებებშიც ამოიცნონ კრიმინალი ბოროტმოქმედების მიერ შპიონაჟისთვის გამოყენებული კონკრეტული ტაქტიკა, შესრულების ხერხები და პროცედურები (TTP), განსაკუთრებული ყურადღბა ეთმობა შიდა საფრთხეებს და მიწოდების ჯაჭვის დაცვას.
პრეზენტაციებისა და სიტუაციური კვლევების ერთობლივად გამოყენება ხელს შეუწყობს სოციალური ინჟინერიის იმ კონკრეტული ხერხების ცოდნის ამაღლებას, რომლებსაც ჰაკერები და კრიმინალები იყენებენ ნდობის მოსაპოვებლად და კიბერქსელებში შესაღწევად. კერძოდ, აკადემიური მონაცემებისა და ინტელექტუალური საკუთრების მოპოვების მიზნით.
მდგრადი გადაწყვეტები და შესაძლებლობების შექმნა დამატებით რესურსებს მოითხოვს, რომ სემინარიდან მიღებული ცოდნა და უნარები კონკრეტულ დაწესებულებას მოხმარდეს.
CRDF Global მიიღებს განაცხადებს და შემდეგ გრანტებით დააჯილდოებს კვლევით დაწესებულებებსა და უნივერსიტეტებს, რომლებსაც გაგზავნილი ჰყავთ წარმომადგენლები სემინარზე. გრანტის გამოყენება შესაძლებელია აღჭურვილობისთვის (მასთან დაკავშირებული მონტაჟის საფასურის ჩათვლით), მასალებისა და საშუალებებისთვის, რომლებიც აუმჯობესებს ინფორმაციის დაცულობასა და კიბერუსაფრთხოებას.
