(ACCnews) სასამართლო პროცესზე, რომელსაც ყოფილი პრეზიდენტი კლინიკა “ვივა მედიდა” დისტანციურად ერთვება, ადვოკატმა შალვა ხაჭაპურიძემ ყოფილ პრეზიდენტს სთხოვა წამოდგარიყო და საზოგადოებისთვის მისი მდგომარეობა ვიზუალურად ეჩვენებინა.
ადვოკატმა განაცხადა, რომ საზოგადოებამ უნდა ნახოს, რა შედეგი გამოიღო 8-ვიანმა მკურნალობამ.
ადვოკატის მოწოდების მიუხედავად, მოსამართლემ მსჯავრდებულ პრეზიდენტს ამის უფლება არ მისცა.
„მინდა ბატონ მიხეილ სააკაშვილს მივმართო, წამოდგეს, აიწიოს პერანგი და ვიზუალურად საზოგადოებამ შეხედოს და თქვენც, ბატონო მოსამართლე, შეხედოთ, რა მდგომარეობაში იმყოფება მიხეილ სააკაშვილი. ეს არის დაახლოებით აზოვის ბატალიონის ბიჭები რომ გამოუშვეს, იგივე მდგომარეობა. ვნახოთ, რა მდგომარეობაში იმყოფება და დავაკმაყოფილოთ საზოგადოების ინტერესი. ვნახოთ, 8-თვიანი მკურნალობის შედეგი, რომელსაც ასე „წარმატებით“ ეწევა პენიტენციური სამსახურის სამედიცინო დეპარტამენტი“,- განაცხადა ხაჭაპურიძემ.
თავის მხრივ, შალვა ხაჭაპურიძის მიმართვაზე, მოსამართლე გიორგი არევაძემ აღნიშნა, რომ თუ მიხეილ სააკაშვილი ჩართვის დროს „გაშიშვლებას დაიწყებდა“, მას გათიშავდნენ და პროცესში მონაწილეობის მიღების უფლებას აღარ მისცემდნენ.
თბილისის საქალაქო სასამართლოში მესამე პრეზიდენტის, მიხეილ სააკაშვილის გათავისუფლების ან სასჯელის გადადების საკითხზე პროცესი მიმდინარეობს.
