(ACCnews) ჩინეთის საგარეო საქმეთა სამინისტროს პრესმდივანი ჩჟაო ლიცზიანი აშშ-ის მოუწოდებს, რომ რუსეთისთვის დაწესებული სანქციების გააუქმოს.
ჩჟაო ლიცზიანის თქმით, ამერიკამ ძალისხმევა სამშვიდობო მოლაპარაკებებისკენ უნდა მიმართოს.
„შეერთებულმა შტატებმა დაუყოვნებლივ უნდა გააუქმოს სანქციები რუსეთის წინააღმდეგ და რეალური ძალისხმევა მიმართოს სამშვიდობო მოლაპარაკებებისკენ, თუ მას სურს უკრაინაში სიტუაციის დეესკალაცია“, – წერს ტვიტერზე ჩჟაო ლიცზიანი.
შეგახსენებთ, რუსეთის საოკუპაციო ჯარები უკრაინის ტერიტორიაზე 24 თებერვალს შეიჭრნენ. პუტინის მიერ უკრაინისთვის ომის გამოცხადებას წინ უძღოდა დონეცკისა და ლუგანსკის თვითგამოცხადებული რესპუბლიკების მარიონეტული რეჟიმების ფორმალური თხოვნა კრემლისადმი, დახმარებოდნენ “უკრაინული აგრესიის” მოგერიებაში. რუსეთის სამხედრო ძალები უკრაინას სხვადასხვა მიმართულებით უტევენ. პარალელურად, მსოფლიოს ქვეყნები რუსეთს სხვადასხვა სახის სანქციას უწესებენ.
