Sunday, January 29, 2023

ჩინელი მეცნიერები ჯანდაცვის მსოფლიო ორგანიზაციას ქვეყანაში არსებულ კოვიდსიტუაციაზე ინფორმაციას მიაწვდიან

მთავარი

(ACCnews) ჩინელი მეცნიერები დღეს ჯანდაცვის მსოფლიო ორგანიზაციის ტექნიკური საკონსულტაციო ჯგუფის შეხვედრაზე ქვეყანაში არსებულ კოვიდსიტუაციაზე ისაუბრებენ.

ჯანდაცვის მსოფლიო ორგანიზაციამ ჩინეთის ჯანდაცვის ოფიციალურ პირებს რამდენიმე დღის წინ მოუწოდა, ორგანიზაციას რეგულარულად გაუზიარონ კონკრეტული ინფორმაცია კოვიდსიტუაციის, ჰოსპიტალიზაციის, გარდაცვალების და ვაქცინაციის შესახებ.

აღსანიშნავია, რომ ჩინეთის კომუნისტური პარტიის ოფიციალურმა გაზეთმა, People’s Daily-მა დღეს გამოაქვეყნა სტატია, სადაც რამდენიმე ჩინელი ექსპერტი აცხადებს, რომ ვირუსით გამოწვეული დაავადება ადამიანების უმეტესობას შედარებით მსუბუქი ფორმით გადააქვს.

მეტი:   ელჩზე თავდასხმები დეზინფორმაციის დიდი სქემის ნაწილია - აშშ-ის სახელმწიფო მდივნის მოადგილე

“მძიმე და კრიტიკული შემთხვევები შეადგენს ინფიცირებულ პაციენტთა 3%- 4%-ს,” – განაცხადა გამოცემასთან საუბარში პეკინის საავადმყოფოს ვიცე-პრეზიდენტმა, ტონგ ჟაოჰუიმ.

მეტი:   აშშ-ის საელჩო დადიანების სასახლის აღდგენას იწყებს

ჩინეთის ჯანდაცვის უწყების ცნობით, კორონავირუსს გასული დღის განმავლობაში 3 ადამიანის სიცოცხლე ემსხვერპლა. ოფიციალური მონაცემებით, დაღუპულთა რიცხვი პანდემიის დაწყებიდან დღემდე ქვეყანაში 5 253-ს შეადგენს.

Financial Times-ის ინფორმაციით, ევროკავშირმა ჩინეთს კორონავირუსის საწინააღმდეგო უფასო ვაქცინები შესთავაზა, რათა ქვეყანას დაავადების გავრცელების შეჩერებაში დაეხმაროს.

მეტი:   რუსეთის ფედერაციის უარის მიუხედავად, უკრაინა, თურქეთი და გაერო 14 გემის გადაადგილებაზე შეთანხმდნენ

ამასთან, ევროკავშირის ქვეყნების მთავრობების წარმომადგენლები და ბლოკის ჯანდაცვის სააგენტოები ოთხშაბათს გამართავენ მოლაპარაკებებს ჩინეთში კორონავირუსის ინფიცირების შემთხვევების ზრდის მიმართ კოორდინირებულ რეაგირებაზე.

აღსანიშნავია, რომ შეერთებული შტატები, საფრანგეთი, ავსტრალია, ინდოეთი და რამდენიმე სხვა ქვეყანა ჩინეთიდან ჩასულ მგზავრებს კოვიდ ტესტის ჩატარებას სთხოვენ.

- Advertisement -spot_img

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ

ბოლო სიახლეები

ანდრეი კასიანოვის ცნობით, უკრაინამ საქართველოს 2008 წლის ომის დროს გადაცემული „ბუკის“ სარაკეტო კომპლექსების დაბრუნება სთხოვა

(ACCnews) "უკრაინამ საქართველოს 2008 წლის ომის დროს გადაცემული „ბუკის“ სარაკეტო კომპლექსების დაბრუნება სთხოვა" - ამის შესახებ საუბარია საქართველოში უკრაინის...
- რეკლამა -spot_img

მსგავსი სიახლეები

- Advertisement -spot_img